ԱԺ-ն արտահերթ նիստ կանի
Ազգային ժողովի «Լուսավոր Հայաստան» խմբակցության նախաձեռնությամբ մայիսի 22-ին ԱԺ արտահերթ նիստ կկայանա, տեղեկացնում է պատգամավոր Էդմոն Մարուքյանը։
«Սիրելի՛ քաղաքացիներ,
Ինչպես արդեն հայտնել էինք, Լուսավոր Հայաստան խմբակցությունը նախաձեռնել է ԱԺ արտահերթ նիստ՝ քննարկելու համար նախորդ օրվա իրադարձությունները։
Նախաձեռնությանը միացել է նաև Բարգավաճ Հայաստան խմբակցության 18 պատգամավոր:
Համաձայն «Իմ քայլը» խմբակցության հետ ձեռքբերված նախնական համաձայնության՝ նիստը տեղի կունենա վաղը՝ մայիսի 22-ին, ժամը 11։00-ին», - ֆեյսբուքյան իր էջում նշել է Մարուքյանը:
