Երեւանի քաղաքապետարանը պատրաստվում է թեթեւ կառուցվածքով շարժական շուկաներ կառուցել՝ փողոցային առեւտրով զբաղվող մարդկանց տրամադրելու համար: «Հիմա առեւտրային որոշակի գոտիներ են մշակվում Երեւանում, հենց երեկ էր առեւտրի վարչության պետը եկել, եւ արդեն պիտի պատրաստվեն սեղանիկները շատ պարզ ծածկով եւ հավաքովի, որ կարողանան տեղից տեղ տեղափոխել ու կամաց-կամաց կարողանանք տեղավորել շքամուտքերում եւ դալաններում միրգ ու բանջարաղեն վաճառողներին։ Ինչ է նշանակում փողոցային առեւտուր: Եթե ես գիտեմ, որ մի կին գյուղից լոլիկ է բերել եւ փողոցում վաճառում է, եւ վաստակած այդ գումարով ինքը իր երեխային պետք է կերակրի, իր ցավը տանեմ: Հարցը սա է, երբ որ մի բան արգելում եք, պիտի շանս տաք, ուղղակի ասել չի կարելի, հնարավոր բան չէ: Այսօրվա քաղաքապետարանի բարդությունը հենց դրա մեջ է, որ մենք ոչ ասելիս փնտրում ենք այլընտրանք»,- տեղեկացրեց Երեւանի գլխավոր ճարտարապետ Արթուր Մեսչյանը: