Ավանդների փոխհատուցման հարցը քննարկվում է, բայց այս պահին որևէ կայացված որոշում չկա: Այս մասին այսօր պաշտոնավարման 100 օրն ամփոփող մամուլի ասուլիսի ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը։ «Առաջարկներ միշտ եղել են՝ ժառանգների հետ կապված, բայց պետք է շատ ավելի կարևորենք տարիքային շեմի իջեցումը։ Այս ամենը քննարկման փուլում է», - ասաց նա։