«Մենք թույլ չենք տալու, որ դուք ինչ ուզում եք անեք: Կլինեք՝ նախարար, կլինեք՝ ավագանի, ինչ-որ կազմակերպության ներկայացուցիչ, դուք այդ իրավունքը չունեք»,- այս մասին ֆեյբուքյան ուղիղ եթերում ասել է «Երկիր Ծիրանի» կուսակցության նախկին անդամ, Երևանի ավագանու նախկին անդամ Մարինա Խաչատրյանը՝անդրադառնալով ՀՀ աշխատանքի և սոցիալական հարցերի նախարար Զարուհի Բաթոյանի «գովազդած» գրքին։ «Ուսումնասիրել եմ այդ գիրքը, այնտեղ հեղինակի մասին խոսք անգամ չկա. ո՞վ է կատարել այս թարգմանությունը, ո՞վ է այս թյուրիմացությունն առաջ բերել՝ նշված չէ։ Բազմաթիվ քաղաքացիներ Ձեզ դիմում են սոցիալական տարբեր խնդիրներով, բայց ոնց տեսնում ենք՝ դրանցով չեք զբաղվում: Ձեր գլուխը լրիվ այլ ուղղությամբ է աշխատում»,- դիմելով Զարուհի Բաթոյանին՝ ասել է Մարինա Խաչատրյանը՝ ընդգծելով, որ երեխաներին ընտանիքից կտրելու հանցավոր ծրագիրը պետք է դատապարտվի ու պախարակվի: Առավել մանրամասն՝ տեսանյութում: