Լոնդոնում Ջուլիան Ասանժին 50 շաբաթվա ազատազրկման են դատապարտել
Մեծ Բրիտանիայի մայրաքաղաք Լոնդոնում դատարանը Wikileaks-ի հիմնադիր Ջուլիան Ասանժին 50 շաբաթվա ազատազրկման է դատապարտել գրավով ազատ արձակման պայմանները խախտելու համար:
"Դուք չեք հանձնվել ոստիկանությանը սեփական ցանկությամբ, Էկվադորի դեսպանատունը հարկադրված է եղել ոստիկանությանը թույլատրել շենք մտնել: Դուք ընտրություն ունեիք, և ես մերժում եմ պատժի մեղմացման մասին բոլոր փաստարկները",- ասել է դատավորը:
Վերջինս նաև հավելել է, որ Ասանժի կողմից գրավով ազատ արձակման պայմանների խախտումը իրեն առաջադրված լուրջ մեղադրանքների սահմաններից դուրս է գտնվում:
Wikileaks-ի հիմնադիրը դատավճռի հրապարակումից առաջ իր փաստաբանների միջոցով ափսոսանք է հայտնել իր կատարած քայլերի հետ կապված:
