Ադրբեջանի մայրաքաղաք Բաքվի հագուստի խանութներից մեկում հայկական երգ է հնչել, ինչը իսկական սկանդալ է առաջացրել, հայտնում է oxu. az-ը: Հայկական երաժշտությունը առաջինը նկատել է ադրբեջանցի լրագրող Քենուլ Այպարան, ով խանութի աշխատակցից պահանջել է անջատել այն: Վերջինս հրաժարվել է: Լրագրողի նկարահանած տեսանյութում երևում է, որ խանութում հնչում է «Մի գնա» հայկական հիթի ռեմիքս տարբերակը: Լրագրողը նշել է, որ խանութի աշխատակիցներն ուշադրություն չեն դարձրել հայկական երաժշտության վերաբերյալ իր դիտողությանը և փորձել են նրան դուրս հանել խանութից՝ ասելով, որ պետք չէ փչացնել մարդկանց տրամադրությունը: Ավելի ուշ խանութի աշխատակիցները հայտնել են, որ այնտեղ ամեն օր YouTube-ով խառը երաժշտություն է հնչում: Իրենք չեն հասկացել երգի հայկական լինելը, քանի որ հայերեն չգիտեն. իրենք բոլորն էլ ադրբեջանցիներ են: Խանութի աշխատակիցները վստահեցրել են, որ երգը չանջատած աշխատակիցը կազատվի աշխատանքից: