Հյուսիսային Կորեայի առաջնորդ Կիմ Չեն Ընի թիկնապահները Ռուսաստանի Դաշնության նախագահ Վլադիմիր Պուտինի հետ հանդիպումից առաջ սպիրտով մաքրել են Ընի համար նախատեսված աթոռը: Տեսանյութը տարածվել է Life Shot թելեգրամ ալիքում: Հրապարակման հեղինակները ենթադրել են, որ անձեռոցիկը ներծծված է եղել սպիրտով: Հիշեցնենք, որ Վլադիվոստոկում սկսվել են ՌԴ նախագահ Վլադիմիր Պուտինի և Հյուսիսային Կորեայի ղեկավար Կիմ Չեն Ինի բանակցությունները: Պուտինը վստահություն է հայտնել, որ Կիմ Չեն Ինի այցը կնպաստի երկու երկրների հարաբերությունների զարգացմանը, ինչպես նաև միջուկային խնդրի կարգավորմանը: Կիմ Չեն Ինն էլ իր հերթին հույս է հայտնել Պուտինի հետ քննարկել Կորեական թերաղկզու իրավիճակը: Սա երկու ղեկավարների առաջին հանդիպումն է: Առանձնազրույցից հետո բանակցությունները կշարունակվեն ընդլայնված ձևաչափով: Ի դեպ, Կիմ Չեն Ինը Ռուսաստան է ժամանել իր զրահապատ գնացքով: