Ռուսները չեն ների թուրքերին հայ ժողովրդի ցեղասպանության համար. Ժիրինովսկի
«Այսօր ամենուր խնդրում են պահպանել մարդու իրավունքները, սակայն հայերին չեն թողնում վերադառնալ հայրենիք, չեն վերադարձնում Արարատ լեռը, որը սուրբ է հայ ժողովրդի համար: Այն Թուրքիային պետք չէ, սակայն այնտեղ հասկանում են դրա արժեքը և չեն վերադարձնում:
Եվ դա նույնպես հանցագործություն է, որի հետ չի կարելի հաշտվել և չի կարելի մոռանալ: Նման բաները մեզ միավորում են: Եվ այսօր այս հանրահավաքում հայերի առաջ ելույթ եմ ունենում ոչ միայն ես՝ Վլադիմիր Ժիրնովսկիս, այլև ողջ Լիբերալ-դեմոկրատական կուսակցությունը: Եվ ես ձեզ խոստանում եմ, մենք պաշտպանելու ենք ձեզ, ժամանակը ձեր օգտին է աշխատում:
Այնուամենայնիվ արդարությունը կհաղթի, ռուսները նույնպես չեն ների թուրքերին հայ ժողովրդի ցեղասպանության համար»,- այս մասին հայտարարել է Ռուսաստանի Լիբերալ-դեմոկրատական կուսակցության առաջնորդ, Պետդումայի պատգամավոր Վլադիմիր Ժիրինովսկին:
