Փաշինյանի հարցազրույցը՝ «Россия 1»-ին
ՀՀ վարչապետ Նիկոլ Փաշինյանը «Россия 1» հեռուստաընկերության «60 րոպե» հաղորդման ուղիղ եթերում շեշտել է, որ պաշտոնական Երևանի համար շատ կարևոր է Հայոց ցեղասպանության միջազգային ճանաչման գործընթացը:
«Մենք կարեւորում ենք ցեղասպանության միջազգային ճանաչման հարցը` ապագայում ցեղասպանությունները կանխելու համար: Ապրիլի 24-ը շատ կարևոր օր է հայերի և ամբողջ մարդկության համար: Ես ուզում եմ ընդգծել, որ դեռևս 1995 թվականին ՌԴ պետդուման պաշտոնապես ճանաչել է հայերի ցեղասպանությունը, և մենք, իհարկե, շատ երախտապարտ ենք Ռուսաստանի Դաշնությանը այդպիսի դիրքորոշման համար»,-ասաց Նիկոլ Փաշինյանը:
