Բերման ենթակվածներ չկան, թող ապատեղեկատվություն չտարածեն. Աշոտ Ահարոնյան
«Բերման ենթակվածներ չկան, թող ապատեղեկատվություն չտարածեն», - այդ մասին 24News-ին ասել է ՀՀ ոստիկանության հասարակայնության հետ կապի և լրատվության վարչության պետ, ոստիկանության գնդապետ Աշոտ Ահարոնյանը՝ անդրադառնալով դատարանի դիմաց «Սպայկա»Wի աշխատակիցների բողոքի ակցիայի ժամանակ հնչած հայտարարությանը։
Ավելի վաղ հայտնել էինք, որ ոստիկանների և «Սպայկա»-ի աշխատակիցների միջև հրմշտոց է եղել այն ժամանակ, երբ ոստիկանները փորձել են Դավիթ Ղազարյանին մեքենայով տեղափոխել կալանավայր: Բողոքի ակցիա մասնակիցները փակել են մեքենայի ճանապարհը։
Ակցիայի մասնակիցներից ոմանք պառկել են մեքենայի դիմաց՝ խոչընդոտելով նրա ընթացքը: Սակայն 15-20 րոպե դիմադրությունից հետո մեքենան դուրս է եկել դատարանի բակից և ընթացել Տիգրան Մեծի պողոտայի ուղղությամբ։
