Ձերբակալվել է «Սպայկայի» տնօրենը. մանրամասներ

Hraparak. am-ը գրում է. «Քիչ առաջ տեղեկացանք, որ այսօր իրավապահներն այցելել են «Սպայկա» ընկերություն եւ ինչ-որ գործողություն են իրականացրել։ Կարելի է՝ ենթադրել, որ հարկերը թաքցնելու կասկածներ կան, քանի որ մեզ ասացին, որ այցելողները ՊԵԿ հետաքննության բաժնից են»։ Լրատվականը նշում է, որ ավելի ուշ տեղեկացել են, թե ժամը 22։00-ի սահմաններում «Սպայկայի» տնօրեն եւ սեփականատեր Դավիթ Ղազարյանը ձերբակալվել է։ Գործողությունն իրականացրել է ՊԵԿ-ը։ «Սպայկա» ընկերության տնօրեն Դավիթ Ղազարյանի ձերբակալության մասին տեղեկությունները ճիշտ են։ Այս մասին Factor. am֊ի հետ զրույցում ասել է ՊԵԿ նախագահ Դավիթ Անանյանը։ Անանյանը նաեւ չի հերքել, որ ՊԵԿ հետաքննական վարչությունը «Սպայկա» ընկերությունում ստուգումներ է իրականացրել :