Օպերայի անձնակազմի 7 հոգանոց խումբը հանդիպում է վարչապետի հետ
Արդեն հայտնել էինք, որ կառավարության դիմաց բողոքի ակցիա է իրականացնում Ա. Սպենդարյանի անվան Օպերայի և բալետի ազգային ակադեմիական թատրոնի անձնակազմը:
Ակցիայի մասնակիցները պահանջում են տնօրենի պաշտոնում վերականգնել օրերս այդ աշխատանքից ազատված Կոնստանտին Օրբելյանին, ինչպես նաև Մշակույթի նախարարի ժամանակավոր պաշտոնակատար Նազենի Ղարիբյանի հրաժարականը։
Բողոքի ակցիայի մասնակիցների մոտ իջավ վարչապետի մամուլի քարտուղար Վլադիմիր Կարապետյանը, որից հետո որոշում կայացվեց, որ ակցիայի 7 մասնակիցներից կազմված խումբը կարող է ներս մտնել ու հանդիպել Նիկոլ Փաշինյանի հետ։
Այս պահին հանդիպումն ընթանում է։
