Կոնստանտին Օրբելյանն ազատվել է Օպերայի և բալետի թատրոնի տնօրենի պաշտոնից. Tert. am

Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանն ազատվել է զբաղեցրած պաշտոնից: Այս մասին Tert. am-ին հայտնեց ՀՀ մշակույթի նախարարի պարտականությունները կատարող Նազենի Ղարիբյանի մամուլի խոսնակ Սականուշ Պողոսյանը: Հարցին՝ ո՞րն է եղել ազատման պատճառը, Սականուշ Պողոսյանը պատասխանեց՝ այս պահին չեն կարող ներկայացնել պատճառները. «Պատճառներն իմանալու համար ավելի ուշ զանգահարեք, որպեսզի մեր իրավաբանական բաժնի աշխատակիցները կարողանան պատասխանել»: