Ինչու են «Աշտարակ կաթ» -ի յոգուրտները բորբոսնած. Ընկերությունը մանրամասում է. Tert. am
Մենք յոգուրտների մեջ հականեխիչներ չենք օգտագործում, մեր արտադրած յոգուրտները օրգանիկ են, այդ պատճառով ունեն պահպանման կարճ ժամկետ` ելնելով դրանից մեծ անհրաժեշտություն կա, որ ջերմային ռեժիմի խախտում չլինի. այս մասին Tert. am-ին ասացին «Աշտարակ կաթ» ընկերությունից՝ մեկնաբանելով բողոքները, որ ընկերությունը բորբոսնած յոգուրտներ է մատակարարում խանութներ:
Հարցին` ի՞նչ ռեժիմով պետք է, օրինակ, պահպանվեն յոգուրտները, որպեսզի չվնասվեն, ընկերությունից ասացին, որ տարբեր ապրանքների պահպանման ջերմաստիճանային ռեժիմը տարբեր է լինում և պահպանման եղանակը գրված է լինում տուփի վրա:
Լրատվամիջոցը գրում է, տեղեկություններ կային, թե 21.03. 2019 – 03.04.2019 թվականների ժամկետի մեջ գտնվող յոգուրտներն են վնասված:
Ընկերությունից նշեցին, որ իրենք բոլոր արտադրանքներից պահում են իրենց մոտ և վստահեցրեցին, որ այդ ժամկետներում գտնվող յոգուրտները, որոնք իրենց մոտ են գտնվում և պահվել են պատշաճ պայմաններում, նորմալ վիճակում են: «Թեպետ մեղքը մերը չէ, բայց հայցում ենք հաճախորդների ներողամտությունը»,- ասացին ընկերությունից:
