Դիլիջանում ցուցարարները ճանապարհ են փակել, խցանումն անցնում է մի քանի կիլոմետրը. Շամշյան
Այսօր` մարտի 29-ին լարված ու պայթունավտանգ իրավիճակ է ստեղծվել Տավուշի մարզում։ Առավոտյան ժամը 9։00-ից Դիլիջան քաղաքի 300-ից ավելի բնակիչներ ի նշան բողոքի՝ բեռնատարներով փակել են գլխավոր ճանապարհը։ Երթևեկությունը կաթվածահար է եղել, խցանումն էլ հասում է մի քանի կիլոմետրի. Տեղեկացնում է shamshyan. com-ը:
Ճանապարհը փակած բնակիչերը պատմել են, որ Դիլիջանի բնակիչ Դավիթ Հակոբյանը անհիմն մեղադրվում է ծանր հանցագործության մեջ, որը, նրանց խոսքով «թխել են» Դիլիջանի ոստիկանները, քննիչներն ու Հայաստանի քննչական կոմիտեի հատկապես կարևոր գործերով քննության գլխավոր վարչության քննիչ Արման Կարապետյանը։
Այս պահին բողոքի ակցիայի մասնակիցների հետ բանակցություններ են վարում Տավուշի մարզպետ Հայկ Չոբանյանը, Դիլիջանի քաղաքապետ Արմեն Սանթրոսյանը, Դիլիջանի ոստիկանապետ Սևակ Բադիրյանն ու Ճանապարհային ոստիկանության 2-րդ սպայական գումարտակի 4-րդ վաշտի 2-րդ դասակի հրամանատար Կարեն Աբաջյանը։
Մարզպետ Հ․ Չոբանյանը խոստացել է իրավիճակի մասին տեղեկացնել համապատասխան մարմիններին և վստահություն է հայտնել, որ ամեն ինչ կարվի արդարությունը վերականգնելու ուղղությամբ։
Մանրամասները՝ սկզբնաղբյուր կայքում:
