Հայաստանի ազգային կինոկենտրոնը 2006 թվականից մինչեւ օրս տարբեր տեղերում է տարածքներ վարձակալում՝ փաստացի ունենալով պետության կողմից իրեն հատկացված երկու տարածք: Ազգային կինոկենտրոնի տնօրեն Շուշանիկ Միրզախանյան "Հայկական ժամանակի" հետ զրույցում ասել է, որ "Հայֆիլմ"-ի ղեկավարությունից գրություններ է ստանում վարձավճարը թանկացնելու կամ տարածքն ազատելու պահանջով: Հայաստանի ազգային կինոկենտրոն ՊՈԱԿ-ի ներկայիս իրավաբանական հասցեն Տերյան 3ա-ն է, որը, սակայն, շահագործման ենթակա չէ: Տարածքն ունի կապիտալ վերանորոգման անհրաժեշտություն, հոսանքազրկված է, բացակայում են կոյուղագծերը, ջրագծերը եւ այլն: Իսկ կառավարության կողմից հատկացված Տերյան 2 հասցեի տարածքն էլ ավելի ուշ որոշվել է տրամադրել Հանրային ռադիոյին՝ «զարգացման ծրագրերում դրված նպատակների իրականացմանե համար: Շենքը հանձնվել է Հանրային ռադիոընկերությանը՝ դրա գործունեությունն ապահովելու եւ սարքավորումները տեղակայելու պատճառաբանությամբ, սակայն ընկերության վերադաս մարմինը՝ Հանրային հեռուստառադիոընկերության խորհուրդը, Ռուբեն Ջաղինյանի գլխավորությամբ՝ իրավունք է ստացել ինքնուրույն որոշել պետական գույքի ճակատագիրը, ինչը եւ արել է՝ վաճառելով այն: Այդ ընթացքում 2006 թվականից սկսած ազգային կինոկենտրոնը Երեւանում տարածք է վարձակալել եւ մինչեւ հիմա պետական բյուջեից վճարել է 115 միլիոն դրամ, որը շատ ավելին է, քան եթե գումար տրամադրվեր Տերյան 3 ա հասցեի տարածքը կառուցելու եւ Կինոկենտրոնը տեղափոխելու համար: Մանրամասները` սկզբնաղբյուր կայքում: