ՏԵՍԱՆՅՈՒԹ. Հայաստանում էժան աշխատուժ չպետք է լինի. Փաշինյան
Էնպիսի տպավորություն կա, թե բոլորս ընկել ենք բարձր աշխատավարձ ստացողների հետևից, և փորձում ենք նրանց ներկայացնել որպես սոցիալական բևեռ, իբր նրանք հարուստներն են: Ես ուզում եմ պատասխանատու կերպով հայտարարել, որ ՀՀ-ում ոչ ոք Հայաստանում աշխատավարձով հարուստ, առավել ևս մեծահարուստ չի դարձել: Այս մասին հայտնել է վարչապետ Նիկոլ Փաշինյանը` պատասխանելով Իմ Քայլը խմբակցության պատգամավոր Գևորգ Պապոյանի` տնտեսության զարգացմանը և աշխատավարձերի եկամտային հարկերին վերաբերող հարցին: Փաշինյանը չի համաձայնել, թե սոցիալական ոչ ճիշտ քաղաքականություն է տանում: "Հայաստանի ռազմավարական տեսլականը որն է, ՀՀ-ում, կներեք կոպիտ բառիս համար, էժան աշխատուժ չպիտի լինի: ՀՀ-ում պետք է լինի բարձր որակավորում ունեցող աշխատուժ, որը ստանում է բարձր աշխատավարձ: Եվ այո, մենք բարձր աշխատավարձերի համար եկամտային հարկն իջեցնում այս ուղերձը հղելու համար: Մենք մի կողմից ասում ենք, որ ուզում ենք բարձր տեխնոլոգիական երկիր դառնալ, մյուս կողմից տեխնոլոգիական ոլորտի բարձր աշխատավարձերի վրա այնքան հարկեր ենք դնում, որ ոչ մեկ չուզենա Հայաստանում ներդրում անի: Էտ 80.000 դրամ աշխատավարձը պաշտպանողների հետ ես բոլորովին համաձայն չեմ: Մենք մեր մարդկանց պետք է մղենք կրթության, պրոֆեսիոնալ հմտությունների աճեցման: Հայաստանում չպիտի մարդ լինի, որի մտքով կանցնի, թե ինքը կարող է 80.000 դրամով աշխատի",- ասել է Փաշինյանը:

Քաղաքականություն

Պատահարներ