Գրավատների և տարադրամի փոխանակման կետերի աշխատակիցները կառավարության դիմաց պահանջում են վերախմբագրել «Պետական տուրքի մասին» ՀՀ օրենքում սպասվող փոփոխությունները: Ինչպես արդեն տեղեկացրել ենք, ըստ նախագծի՝ 60 անգամ ավելացվելու է վերոնշյալ կառույցների պետական տուրքը: Նրանք հանդիպում են պահանջում միայն վարչապետ Նիկոլ Փաշինյանի հետ, որեւէ այլ մեկի հետ չեն ցանկանում հանդիպել: «Մնացածը փափուկ բարձ են դնում գլխներիս տակ, միայն վարչապետի հետ հանդիպում ենք պահանջում: Մինչև մեր հարցն այսօր չլուծվի, չենք գնալու կառավարության դիմացից»,- լրագրողների հետ զրույցում ասաց բողոքի ակցիայի մասնակիցներից մեկը: