6.2 մագնիտուդ հզորությամբ երկրաշարժ է գրանցվել Թուրքիայում
Թուրքիայի արևմուտքում 6.2 մագնիտուդ հզորությամբ երկրաշարժ է տեղի ունեցել այսօր առավոտյան, հաղորդում է Եվրոպական Միջերկրածովյան սեյսմոլոգիական կենտրոնը (EMSC):
Ստորգետնյա ցնցումները զգացվել են տեղական ժամանակով 06.34-ին: Էպիկենտրոնը գտնվել է Աջըփայամ քաղաքից 16 կմ հարավ և Թեֆեննի քաղաքից 32 կմ դեպի արևմուտք: Ցնցումների կենտրոնը գտնվել է 27 կմ խորության վրա:
Զոհերի և ավերածությունների մասին տեղեկատվություն դեռևս չկա:
