Վենեսուելայի ընդդիմության առաջնորդ Խուան Գուայդոն ժամանակավոր նախագահի պաշտոնում առաջին հրամանն է արձակել, այն էՙ բացել Բրազիլիայի հետ ցամաքային սահմանը: Նախագահական հրամանը նա հրապարակել է թվիթերյան իր էջում: Նույն հրամանով Գուայդոն չեղարկել է գործող նախագահ Նիկոլաս Մադուրոյիՙ Բրազիլիայի հետ ցամաքային սահմանը փակելու մասին հրամանը, ինչպես նաև առանց փոփոխությունների ուժի մեջ է թողել Արուբայի, Բոնեյրի և Կորասաոյի հետ հարաբերությունները, որոնք Մադուրոն նույնպես պետք է վերանայեր: Բացի դա, ընդդիմության առաջնորդը հաստատել է իր կառավարության կողմն անցած զինվորականների համար երաշխիքները: Հիշեցնենք, որ ավելի վաղ Մադուրոն հայտնել էր, որ փակում է Բրազիլիայի հետ ցամաքային սահմանը: Նա չէր բացառել, որ նույն միջոցները հնարավոր է ձեռնարկվեն նաև Կոլումբիայի դեպքում: