Հայ-ադրբեջանական հարաբերություններում փոփոխությունները չեն նկատի միայն կույրն ու համրը․ «Независимая газета»

Ռուսական «Независимая газета» պարբերականը հոդված է հրապարակել Լեռնային Ղարաբաղի հակամարտության կարգավորման հարցով բանակցային գործընթացում վերջին զարգացումների մասին: Մասնավորապես` խոսվում է Դուշանբեում, Սանկտ Պետերբուրգում և Դավոսում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումների մասին և նշվում, որ կողմերը վերջին շրջանում ցուցադրում են բանակցությունների համար ավելի բարենպաստ մթնոլորտ ստեղծելու պատրաստակամություն: Պարբերականը գրում է նաև Հայաստանի հասցեին Ադրբեջանի իշխանությունների ներկայացուցիչների կողմից ռազմական հռետորաբանության նկատելի նվազեցման մասին: «Արմատական փոփոխություններ չէի ասի, սակայն փոփոխությունները չեն նկատի միայն կույրն ու համրը»,- պարբերականը մեջբերում է Բաքվի աղբյուրներից մեկի խոսքը: