Ինչի՞ համար եմ քննադատված․ Աննա Հակոբյանը՝ լրագրողին
«Ասեք՝ ինչի՞ համար եմ քննադատված, գուցե ասեմ՝ ինչու եմ քննադատված»,- այսօր վարչապետի տիկին Աննա Հակոբյանը նման կերպ պատասխանեց լրագրողնի այն հարցին, թե ինչով է պայմանավորում ամենաքննադատված առաջին տիկին լինելու հանգամանքը։
Պատասխանելով տիկին Հակոբյանի հարցին՝ լրագրողը մատնանաշեց դստեր 20-ամյակը ճոխ կազմակերպելու և Արթիկ ուղղաթիռով մեկնելու մասին հրապարակումները, որին ի պատասխան Աննա Հակոբյանն ասաց.
«Մեկ անգամ արդեն ասել եմ՝ քննադատությանը շատ առողջ եմ վերաբերվում, բայց քննադատությունը մի բան է, ձեր նշած օրինակները մեկ այլ բան են: Դրանք ոչ մի կապ չունեն քննադատության և իրականության հետ: Նման դեպքերում անլուրջ է դրանց մասին խոսելն ու դրանք մեկնաբանելը»:
