Թրամփը հայտնել է, որ արժանի է Նոբելյան մրցանակի և թվել, թե ինչու

ԱՄՆ նախագահ Դոնալդ Թրամփը, պատասխանելով լրագրողների հարցերին, հայտարարել է, որ արժանի է Խաղաղության Նոբելյան մրցանակի: Այս մասին գրում է РИА Новости-ն: «Ինչ վերաբերում է ինձ, ապա ես, հավանաբար, երբեք չեմ ստանա այն, բայց հոգ չէ: Նրանք տվել են այն Օբամային: Նա անգամ չգիտեր, թե ինչու», - հայտարարել է Թրամփը: Թվելով իր գրանցած հաջողությունները՝ նախագահն ընդգծել է ԿԺԴՀ-ի և անձամբ երկրի առաջնորդ Կիմ Չեն Ընի հետ հարաբերությունների հարթումը և Իդլիբում ՌԴ-ի, Իրանի և Սիրիայի հակաահաբեկչական գործողությունների հետևանքով խաղաղ բնակչության սպանության կանխումը: Թրամփի խոսքով՝ Ճապոնիայի վարչապետ Սինձո Աբեն անձամբ է իր թեկնածությունն առաջադրել: