Կառավարության կառուցվածքը նախկին ավտորիտար համակարգի պահպանումն է․ Մարուքյան
ԼՀԿ-ն դեմ է քվեարկելու նախագծին: Այս մասին այսօր ԱԺ-ում իր ելույթում ասաց «Լուսավոր Հայաստան» խմբակցության ղեկավար Էդմոն Մարուքյանը։
«Ժողովուրդ, կարող է՞ սպասում էիք, որ գայիք, խորհրդարանը գովեր ձեզ, քծներ և ինչ մտածում է՝ չասի: Կա հրապարակային քննարկում, պետք է ասել՝ մենք չունենք շռայլություն, որ պահը բաց թողենք, բարձր ակնկալիքները մարդկանց արդարացնենք: Այո, քննադատվածը կադրային քաղաքականությունն է, այս կադրերն ամենօրյա ռեժիմով ազդում են վարչապետի ռեյտինգի վրա, վատնում են դրանք և այդ կադրերով չեն կարող տնտեսական հեղափոխություն անել»,-ասաց նա:
Մարուքյանը հայտնեց, որ ԼՀԿ-ն դեմ է քվեարկելու նախագծին: «Միայն կառուցվածքը բավարար է, որ դեմ քվեարկենք, այն նախկին ավտորիտար համակարգի պահպանումն է»,- նշեց նա։
