Ուկրաինան հետախուզում է հայտարարել հայազգի մեծահարուստ Սարկիսով եղբայրների նկատմամբ
Ուկրաինայի ներքին գործերի նախարարությունը հետախուզում է հայտարարել ռուսաստանաբնակ հայազգի գործարարներ, «ՌԵՍՕ-Գարանտիա» ապահովագրական ընկերության ղեկավար եղբայրներ Սերգեյ և Նիկոլայ Սարկիսովների նկատմամբ, հայտնում է РИА Новости-ին:
Համաձայն տեղեկատվության, հայազգի եղբայրները մեղադրվում են խարդախության մեջ:
Ուկրաինայի Ներքին Գործերի նախարարության կայքում տեղադրված հետախուզվող անձանց ցանկում նշվում է, որ գործարարներն «անհետացել են» 2018-ի սեպտեմբերի 24-ին:
Նրանք մեղադրանք է առաջադրված Ուկրաինայի Քրեական օրենսգրքի 190-րդ հոդվածի 4-րդ մասով, որն է «Առավել խոշոր չափերի կազմակերպված խարդախություն՝ խմբի կողմից»:
Նշենք, որ Սարկիսով եղբայրներին է պատկանում «ՌԵՍՕ-Գարանտիա» ապահովագրական ընկերության բաժնետոմսերի 60.7 տոկոսը: Մյուս մասի բաժնետերն է AXA Group ֆրանսիական ապահովագրական ընկերությունը՝ 36,7%: Ուկրաինայում գործարար եղբայրներն ընդգրկված են եղել Просто-Страхование ապահովագրական ընկերության ղեկավար կազմում:
Սարկիսով եղբայրներն ընդգրկվել են Ռուսաստանի ամենահարուստ ընտանիքների տասնյակում՝ ըստ Forbes ամսագրի:
