11:00 Լուրերը մեկ տողով. 6-ամյա երեխայի ողբերգական մահ. Կրեմլը՝ Փաշինյան-Պուտին զրույցի մասին

Անցած ժամվա լուրերը՝ հակիրճ և բովանդակային.

•Լոռու մարզում 6-ամյա երեխայի մարմին է հայտնաբերվել, դեպքի առթիվ նախաձեռնվել է քրեական վարույթ սպանության հատկանիշներով։

•Երևանի քաղաքապետի խորհրդականի վերաբերյալ ապօրինի հողօտարման քրեական գործն ուղարկվել է Հակակոռուպցիոն դատարան։

•Գլխավոր դատախազությունը շարունակում է համայնքներին վերադարձնել տարիներ առաջ ապօրինի մասնավորեցված կանաչ տարածքներն ու պուրակները։

•Ռուսաստանի և Հայաստանի ղեկավարները հեռախոսազրույցի ընթացքում քննարկել են երկկողմ հարաբերություններն ու ԵՄ-ԵԱՏՄ ընտրության վերաբերյալ հանրաքվեի հարցը։

•ԱՄՆ նախագահը Միչիգանում ունեցած ելույթի ժամանակ անդրադարձել է իր իրականացրած քաղաքականությանն ու առաջիկա ընտրություններին։

•Իսրայելի վարչապետն ԱՄՆ այցի ընթացքում մտադիր է փոխանցել հետախուզական տվյալներ Իրանի միջուկային ծրագրի վերաբերյալ։

•Porsche ընկերությունը հայտարարել է աշխատակազմի կրճատումների մասին՝ Չինաստանում վաճառքի ծավալների նվազման և մաքսատուրքերի պատճառով։

•ՖԻՖԱ-ի քվեարկության արդյունքներով որոշվել է աշխարհի առաջնության լավագույն գոլի հեղինակը։

•Բաքվում ընթացող ըմբշամարտի Մ-17 Աշխարհի առաջնությունում այսօր պայքարի են դուրս գալիս Հայաստանի 5 ներկայացուցիչներ։