13:00 Լուրերը մեկ տողով.Անհետ կորածների ծնողների նոր քայլը, ծիրանի շուրջ աղմուկը

Անցած ժամվա լուրերը՝ հակիրճ և բովանդակային.

• Անհետ կորած զինծառայողների ծնողները որոշել են ինքնուրույն կապ հաստատել Ադրբեջանում գտնվող ընտանիքների հետ։ Նրանց նպատակը բացառապես հարազատների ճակատագրի վերաբերյալ տեղեկությունների փոխանակումն է։ 

•Էկոնոմիկայի նախարարությունը հերքել է լուրերը, թե Հայաստանից Իսպանիա արտահանված ծիրանի խմբաքանակը ճանապարհին փչացել է՝ նշելով, որ դեռևս արտահանում չի իրականացվել։

•Երևանի քաղաքապետարանը հավելյալ եկամուտներն ուղղելու է ճանապարհաշինական ծրագրերին և նախատեսում է արտաքին մասնագետների միջոցով վերանայել ներքին ծախսերի արդյունավետությունը։

•Հայաստանում քննարկվում է համակարգչային մեքենայությունների համար ձերբակալված ռուսաստանցի Ալեքսանդր Երմակովին ԱՄՆ-ին արտահանձնելու հարցը։

•Եվրոպական Միությունը կարող է զիջումների գնել Հունաստանին և փոփոխություններ կատարել Ռուսաստանի դեմ պատժամիջոցների նոր փաթեթում՝ սեփական տնտեսական շահերը պաշտպանելու համար։

•Ուկրաինայի զինված ուժերը հարվածներ են հասցրել Մոսկվայի մարզի լոգիստիկ օբյեկտներին և Սև ծովում գտնվող ռուսական նավերին։

•Իրանը միջնորդներից ստացել է ԱՄՆ-ի հետ հրադադարի և լարվածության նվազեցմանն ուղղված առաջարկներ, որոնք այժմ քննարկվում են։

•ԱՄՆ նախագահը Կանադայից պահանջել է ակտիվ միջոցներ ձեռնարկել անտառային հրդեհները մարելու համար՝ չբացառելով փոխհատուցման կամ մաքսատուրքերի սահմանումը։