Պատահարներ

Մինչև 5 տարեկան երեխաների վնասվածքների պատճառներից մեկը բարձրությունից վայր ընկնելն է․ ԱՆ

Մինչև 5 տարեկան երեխաների վնասվածքների պատճառներից մեկը բարձրությունից վայր ընկնելն է․ ԱՆ
Մինչև 5 տարեկան երեխաների շրջանում վնասվածքներով պայմանավորված հոսպիտալացումների պատճառներից մեկը բարձրությունից վայր ընկնելն է։ Այս մասին հայտնում է ՀՀ առողջապահության նախարարությունը։…

Մինչև 5 տարեկան երեխաների շրջանում վնասվածքներով պայմանավորված հոսպիտալացումների պատճառներից մեկը բարձրությունից վայր ընկնելն է։ Այս մասին հայտնում է ՀՀ առողջապահության նախարարությունը։



Գերատեսչությունից նշում են, որ պատուհաններից և պատշգամբներից ընկնելու դեպքերի մեծ մասը գրանցվում է հենց փոքր երեխաների շրջանում, և կոչ են անում ծնողներին ապահովել երեխաների անվտանգությունը։


ԱՆ-ն հորդորում է պատուհանները փակ և կողպված պահել, երբ երեխաները տանն են, իսկ օդափոխության անհրաժեշտության դեպքում հնարավորության դեպքում բացել երեխաներին անհասանելի պատուհանները։



Միաժամանակ նախարարությունը հիշեցնում է, որ պատուհանների համար նախատեսված ցանցերը չեն կարող կանխել երեխայի ընկնելը, ուստի դրանց ամրությանը վստահել չի կարելի։



Ծնողներին խորհուրդ է տրվում պատուհաններից հեռու տեղադրել կահույքն ու այն իրերը, որոնց օգնությամբ երեխան կարող է բարձրանալ, ինչպես նաև խաղալու տարածքը կազմակերպել բաց պատուհաններից և պատշգամբներից հեռու։



«Երեխայի պատուհանից վայր ընկնելը հաճախ տեղի է ունենում, երբ երեխան մենակ է, և չկա մեծահասակի հսկողություն։ Հիշե՛ք՝ մի քանի վայրկյանում կարող է կատարվել անդառնալին»,- նշվում է նախարարության հաղորդագրության մեջ։

Նմանատիպ հոդվածներ

Ավելին Պատահարներ բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8024) Միջազգային (3535) ԱՄՆ (2369) Ռուսաստան (2250) Իրան (1786) Ընտրություններ (1284) Ուկրաինա (911) Երևան (821) Իսրայել (766) Ադրբեջան (677) Փաշինյան (582) Եվրոպա (529) Ազգային ժողով (486) Ընդդիմություն (480) Թրամփ (453)

Radio Aurora

Լսել Radio Aurora

Գովազդային տարածք

300x250