Ադրբեջանը գնել է Չինաստանի ռազմական նշանակության արտադրանքի մի մասը․ Ալիև

Ադրբեջանը և Չինաստանը թևակոխել են երկկողմ հարաբերությունների զարգացման նոր փուլ, որի շրջանակներում նախատեսվում է ընդլայնել գործակցությունը նաև ռազմատեխնիկական ոլորտում։ Այս մասին հայտարարել է Ադրբեջանի նախագահ Իլհամ Ալիևը Շուշիի գլոբալ մեդիաֆորումի ժամանակ։

Ըստ Ադրբեջանի ղեկավարի՝ Բաքուն արդեն իսկ ձեռք է բերել չինական արտադրության ռազմական նշանակության արտադրանքի մի մասը։ Մատակարարումների որոշակի խմբաքանակ արդեն իսկ իրականացվում է, իսկ մի շարք այլ ուղղություններով կողմերի միջև բանակցությունները ներկայումս շարունակվում են։

Իլհամ Ալիևն ընդգծել է, որ ադրբեջանական կողմը մեծապես շահագրգռված է Պեկինի հետ պաշտպանական և ռազմատեխնիկական ոլորտներում փոխգործակցության հետագա խորացմամբ ու ընդլայնմամբ։ Երկու երկրների միջև հարաբերությունների ներկա մակարդակը հնարավորություն է տալիս զարգացնել կապերը բոլոր հիմնական ուղղություններով։