Եղանակային փոփոխություն․ անձրև, ամպրոպ և քամու ուժգնացում

Հանրապետության տարածքում հուլիսի 12-ի ցերեկը, 13-ի, 16-ի և 17-ի կեսօրից հետո առավելապես հյուսիսային շրջաններում սպասվում է կարճատև անձրև և ամպրոպ, իսկ հուլիսի 14-15-ը սպասվում է առանց տեղումների եղանակ։ Քամին կլինի հարավարևմտյան՝ 2-5 մ/վ արագությամբ, իսկ ամպրոպի ընթացքում սպասվում է նաև քամու ուժգնացում՝ 16-19 մ/վ արագությամբ։ 

Արմավիրում, Արագածոտնի և Կոտայքի նախալեռներում hուլիսի 12-17-ի առավելապես երեկոյան ժամերին կանխատեսվում է քամու ուժգնացում՝ 14-18 մ/վ արագությամբ։ Օդի ջերմաստիճանը հուլիսի 12-ի ցերեկային ժամերին առանձին լեռնային շրջաններում կնվազի 2-3 աստիճանով, Լոռիում և Տավուշում՝ 4-6 աստիճանով, իսկ հուլիսի 13-14-ն աստիճանաբար նույնքան կբարձրանա։ 

Արարատյան դաշտում նշված օրերին օդի ջերմաստիճանն էապես չի փոխվի։ Երևան քաղաքում հուլիսի 12-ի ցերեկը, ինչպես նաև 13-17-ը սպասվում է առանց տեղումների եղանակ, իսկ հուլիսի 12-15-ի երեկոյան ժամերին սպասվում է քամու ուժգնացում՝ 13-15 մ/վ արագությամբ։