ՏԵՍԱՆՅՈՒԹ․ Գայլի հարձակումը կարող էր ողբերգությամբ ավարտվել․ 21-ամյա երիտասարդը փրկել է երկու երեխայի կյանք

Հայտնի է, որ երեկ գայլերը հարձակվել են Գորիս համայնքի Քարահունջ գյուղի բնակիչների և Գորիս համայնքի բնակիչների վրա, ինչի արդյունքում վեց անձ ստանալով մարմնական վնասվածքներ տեղափոխվել են Գորիսի բժշկական կենտրոն: Այս մասին տեսանյութ է տարածել «Քաղաքացիական պայմանագիր» կուսակցության պատգամավոր Արմեն Խաչատրյանը։

Փառք Աստծո, միջադեպը ողբերգական ավարտ չի ունեցել և ներկայումս բոլոր մարմնական վնասված ստացածները անհրաժեշտ բուժօգնություն են ստացել և նրանց կյանքին սպառնացող վտանգ չկա:  Ուզում եմ անդրադառնալ միջադեպի մի դրվագի: Ինչպես գիտենք, մարմնական վնասվածք է ստացել նաև երեքամյա Դավիթը, ում վրա նույնպես գայլահարձակում է գործել, բայց դեպքը ողբերգական ավարտ չի ունեցել, քանի որ Դավիթի մոտ է գտնվել Սալքար թաղամասի բնակիչ 21-ամյա Գուրգեն Մալինցյանը, ով տեսնելով հարձակումն անմիջապես իրեն նետել է գայլի ուղղությամբ, մարտի բռնվել նրա հետ և փրկել երեխայի կյանքը, որից հետո գայլը կրկին հարձակվել է մեկ այլ երեխայի վրա, Գուրգենը  նետվել է այդ ուղղությամբ և անհրաժեշտ միջոցներ ձեռնարկել, որից հետո հնարավոր է եղել նաև փրկել այդ երեխայի կյանքը։

Գուրգենը ստացել է մարմնական վնասվածքներ մեջքի և ձեռքերի շրջանում»,- ասել է նա։

Ավելին՝ տեսանյութում։