Ինչպես պետք է օտարերկրացիները թույլտվություն ստանան՝ Հայաստանում աշխատելու համար

Օտարերկրյա քաղաքացիները Հայաստանում աշխատանքային գործունեություն կարող են իրականացնել՝ նախապես ստանալով աշխատանքի թույլտվություն և ժամանակավոր կացության կարգավիճակ։ Այդ մասին  NEWS.am-ին հայտնում են ՀՀ աշխատանքի և սոցիալական հարցերի նախարարությունից։ 

Այս նպատակով գործատուն կարող է հայտ ներկայացնել առցանց եղանակով՝ ՀՀ ներքին գործերի նախարարության միգրացիայի և քաղաքացիության ծառայության workpermit.am միասնական էլեկտրոնային հարթակում։ 

Աշխատանքի թույլտվության և ժամանակավոր կացության կարգավիճակը տրամադրվում կամ մերժվում է հայտը ներկայացնելու օրվանից հետո առավելագույնը 30 օրվա ընթացքում։