Ադրբեջանը պարզաբանումներ է պահանջում ՌԴ-ից «Լեռնային Ղարաբաղ» արտահայտության համար

 Ադրբեջանի ԱԳՆ-ն պարզաբանումներ է պահանջել Ռուսաստանից։ Նշվում է, որ ռուսական պետական «Առաջին ալիքի» հաղորդման ժամանակ օգտագործվել է գոյություն չունեցող «Լեռնային Ղարաբաղ» արտահայտությունը: Ադրբեջանի ԱԳՆ-ից սա «լուրջ սադրանք»  են որակել։

 
Հայտարարել են՝ «Ադրբեջանի ինքնիշխանությունն ու տարածքային ամբողջականությունը լիովին վերականգնվել են, և այդ իրողությունը ճանաչվել է միջազգային հանրության, այդ թվում ՝ Ռուսաստանի Դաշնության կողմից։ ՌԴ պետական հեռուստատեսությամբ այդ հեռարձակումը բացահայտորեն հակասում է ադրբեջանա-ռուսական հարաբերությունների ոգուն, ինչպես նաև փոխադարձ հարգանքի և բարիդրացիության սկզբունքներին»:
 
  
Ակնկալվում է, թե ռուսական կողմը հստակ պարզաբանումներ կտա այս հարցի վերաբերյալ և անհրաժեշտ միջոցներ կձեռնարկի նման դեպքերի կրկնությունը թույլ չտալու համար: