Բյուրեղավանի խմելու ջրի աղտոտման դեպքի առթիվ քրվարույթ է նախաձեռնվել. ՔԿ

Բյուրեղավանի խմելու ջրի աղտոտման դեպքի առթիվ ՀՀ քննչական կոմիտեի Կոտայքի մարզային քննչական վարչությունում նախաձեռնվել է քրեական վարույթ՝ Քրեական օրենսգրքի 412-րդ հոդվածի 1-ի մասի (անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը) հատկանիշներով:


Այս մասին Auroranews-ը տեղեկացավ Քննչական կոմիտեից:


Նշենք, որ թեպետ «Վեոլիա Ջուր» ընկերությունը տեղեկացրել էր, թե Բյուրեղավանում խմելու ջրի հետ կապված որևէ շեղում չի հայտնաբերվել, Հիվանդությունների վերահսկման և կանխարգելման ազգային կենտրոնից այսօր հայտնել են, որ իրականացված խմելու ջրի նմուշառման մեջ հայտնաբերվել են շեղումներ` ռոտավիրուս, ադենովիրուս, ինչպես նաև էնտերոհեմորագիկ և էնտերոախտածին կոլի խմբի ախտածիններ։