Սաակաշվիլին արձագանքել է Ալիևի Հայաստանի տարանցիկ ուղու մասին հայտարարությանը
Վրաստանի նախկին նախագահ Միխեիլ Սաակաշվիլին արձագանքել է Ադրբեջանի նախագահ Իլհամ Ալիևի կողմից տարածաշրջանում նոր տարանցիկ միջանցքի և Հայաստանի ու Ադրբեջանի միջև ուղիղ չվերթների գործարկման մասին հայտարարությանը՝ նշելով.
«Իլհամ Ալիևի հայտարարությունը, որ այսօր տարանցիկ երթուղին անցնում է Վրաստանի, իսկ վաղը կանցնի Հայաստանի միջով, ոչնչացնում է այն ամենը, ինչին մենք որպես երկիր հասել ենք 1990-ական և 2000-ական թվականներին: Վրաստանը հայտնվել է ծայրահեղ դժվարին աշխարհաքաղաքական փակուղու մեջ, որը շուտով կավարտվի կամ մեր լուծարմամբ որպես անկախ պետություն, կամ մեր ազատագրմամբ», - գրել է Սաակաշվիլին Ֆեյսբուքում:
