ԱՄՆ-ն ծրագրում է ամրապնդել վստահությունը Ռուսաստանի և Եվրոպայի միջև
ԱՄՆ-ն հույս ունի վստահություն կառուցել Ռուսաստանի և Եվրոպայի միջև լարվածության թուլացման միջոցով, հաղորդում է Politico-ն՝ հղում անելով Թրամփի վարչակազմի անանուն պաշտոնյային։
«Ակնհայտ է, որ Եվրոպայի և Ռուսաստանի միջև այս պահին մեծ վստահություն չկա, բայց մենք ցանկանում ենք հիմք ստեղծել նոր մոդելի համար, որը թույլ կտա մեզ սկսել վստահություն կառուցել՝ ցուցադրելով իրական լարվածության թուլացում», - ասել է աղբյուրը։
Թերթի տվյալներով՝ Աբու Դաբիում (ԱՄԷ) Ռուսաստանի, ԱՄՆ-ի և Ուկրաինայի ներկայացուցիչների միջև կայացած խորհրդակցությունները մեծապես կենտրոնացել են տնտեսական հարցերի, ինչպես նաև Զապորոժյեի ատոմակայանի վերահսկողության վրա։
«Երկու կողմերն էլ սկսում են հասկանալ, թե ինչ են շահելու խաղաղությունից, ինչպիսիք են Ուկրաինայի բարգավաճման ծրագիրը և Ռուսաստանի համար Միացյալ Նահանգների հետ բիզնեսով զբաղվելու որոշ հնարավորությունները», - Politico-ն մեջբերել է ԱՄՆ վարչակազմի պաշտոնյայի խոսքերը։
