Սպիտակ տունը գնահատել է ԱՄԷ-ում Ուկրաինայի հարցով եռակողմ բանակցությունների առաջին օրը
Աբու Դաբիում ընթացող ուկրաինական հակամարտության կարգավորման վերաբերյալ եռակողմ բանակցությունների առաջին օրը արդյունավետ է եղել, հաղորդում է NBC News-ը՝ հղում անելով Սպիտակ տան անանուն պաշտոնյայի։
«ԱՄՆ-ի, Ուկրաինայի և Ռուսաստանի միջև եռակողմ հանդիպումը արդյունավետ էր։ Բանակցությունները կշարունակվեն», - ասել է աղբյուրը։
Ամերիկյան բանակցային թիմի կազմում են նախագահի հատուկ դեսպանորդ Սթիվ Վիտկոֆը, նախագահի փեսան՝ Ջարեդ Քուշները, Ընդհանուր ծառայությունների վարչության դաշնային գնումների ծառայության կոմիսար Ջոշ Գրյունբաումը և ՆԱՏՕ-ի Եվրոպայում դաշնակից ուժերի գերագույն հրամանատար Ալեքսուս Գրինկևիչը։
