Ռուսաստանը թույլ չի տա ՆԱՏՕ-ին մոտենալ իր սահմաններին. Օրբան

Հունգարիայի վարչապետ Վիկտոր Օրբանը հայտարարել է, որ ՆԱՏՕ-ն պետք է ընդունի այն իրողությունը, որ Ռուսաստանը թույլ չի տա դաշինքին ընդլայնվել իր սահմաններին մոտ։ Այս մասին տեղեկացնում է ՌԻԱ Նովոստին։

Օրբանը դաշինքին առաջարկել է քննարկել և համաձայնության գալ այն ուղիների շուրջ, թե ինչպես կարող է Ուկրաինան կրկին ստանձնել բուֆերային պետության դերը։

«Մենք պետք է համաձայնության գանք, թե ինչպես կարող է Ուկրաինա կոչվող այս հողը, որը նախկինում բուֆերային գոտի էր, իսկ այժմ դարձել է պատերազմական գոտի, կրկին դառնալ բուֆերային պետություն», - ասել է Հունգարիայի վարչապետը։