Պարգևավճարը պետք է միայն ինձ և պարոն Ասլանյանին տային. Հովիկ Աղազարյան

«Ինձ թվաց, որ պարգևավճար ստացել ենք միայն ես և պարոն Ասլանյանը՝ որպես պատգամավորներ, քանի որ մենք ենք եղել ամենահետևողականը, չենք շեղվել հեղափոխական արժեհամակարգից և մնացել ենք այդ գաղափարներին»,- այս մասին 24News-ի հետ զրույցում հայտարարել է ԱԺ պատգամավոր Հովիկ Աղազարյանը։

Պատգամավորը նշել է, որ գումարն ստանալուց հետո ծախսել է այն. «Ես տեղյակ եմ, որ պարոն Ասլանյանը այդ գումարից ինչ-որ մաս բարեգործություն է արել, ես էլ եմ արել, բայց աննշան, ես ծախսել եմ, որովհետև խնդիրներ ունեի։ Հետո պարզվեց՝ բոլորին էլ տվել են, բայց դա անարդար է։ Պետք է միայն մեզ երկուսիս տային, որովհետև մենք ենք հեղափոխական արժեքների կրողները, ՔՊ-ն շեղվել է, նրանց չէր հասնում պարգևավճար»։