ԱԺ-ն ընդունել է Ընտրական օրենսգրքի փոփոխությունների նախագիծը
Ազգային ժողովը հունվարի 23-ին գումարված արտահերթ նիստում երկրորդ ընթերցմամբ և ամբողջությամբ ընդունել է «Հայաստանի Հանրապետության ընտրական օրենսգիրք» սահմանադրական օրենքում փոփոխություններ և լրացումներ կատարելու մասին նախագիծը։
Քվեարկության արդյունքներով նախագծին կողմ է քվեարկել 66 պատգամավոր, դեմ՝ 2, ձեռնպահ չի եղել։
Նախագիծը ներկայացնելիս հիմնական զեկուցող, ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյանը նշել է, որ գործող Ընտրական օրենսգիրքը սահմանում է դիտորդների քաղաքական չեզոքության և անկողմնակալության պահանջը, սակայն միաժամանակ չի նախատեսում բավարար մեխանիզմներ այդ պահանջի խախտման դեպքերի համար։
Նրա խոսքով՝ օրենսդրական փոփոխություններով առաջարկվում է, որ Կենտրոնական ընտրական հանձնաժողովը իրավասու լինի վարույթ հարուցել և ուժը կորցրած ճանաչել դիտորդական առաքելության հավատարմագրումը՝ սահմանված պահանջների խախտման դեպքում։
Հիշեցնենք, որ ԱԺ «Հայաստան» խմբակցությունը բոյկոտել է արտահերթ նիստը և լքել դահլիճը։
