Քաղաքականություն

«Մեր ձևով» շարժման մամուլի խոսնակը պատասխանել է Տարոն Չախոյանի հայտարարությանը

«Մեր ձևով» շարժման մամուլի խոսնակը պատասխանել է Տարոն Չախոյանի հայտարարությանը
«Մեր ձևով» շարժման մամուլի խոսնակ Մարիաննա Ղահրամանյանը հայտարարել է, որ ՀՀ վարչապետի աշխատակազմի ղեկավարի տեղակալ Տարոն Չախոյանի հնչեցրած պնդումները չեն համապատասխանում իրականությանը և հանդիսանում…

«Մեր ձևով» շարժման մամուլի խոսնակ Մարիաննա Ղահրամանյանը հայտարարել է, որ ՀՀ վարչապետի աշխատակազմի ղեկավարի տեղակալ Տարոն Չախոյանի հնչեցրած պնդումները չեն համապատասխանում իրականությանը և հանդիսանում են ապատեղեկատվություն։


Նրա խոսքով՝ Նարեկ Կարապետյանը ՀԷՑ-ում աշխատելու ամբողջ ընթացքում իր ամբողջ աշխատավարձը կամավոր կերպով փոխանցել է «Տաշիր» բարեգործական հիմնադրամին՝ թոշակառուներին և սոցիալապես անապահով մյուս շերտերին աջակցելու նպատակով։


Ղահրամանյանը նշել է, որ համապատասխան հրապարակման հղումը և անդորրագրերը հրապարակված են դեռ անցած սեպտեմբերին Նարեկ Կարապետյանի կողմից արված գրառման մեջ։


Պատասխանելով Տարոն Չախոյանի հրապարակած տեսանյութին՝ մամուլի խոսնակը նաև նշել է, որ ՀԷՑ տնօրենների խորհրդի աշխատավարձը վճարվում է Սամվել Կարապետյանի սեփական միջոցներից։


«Իշխանությունը ժողովրդին ծառայելու մասին է, ոչ թե բարձր աշխատավարձերի ու միլիոնավոր պարգևավճարների մասին»,- ընդգծել է Ղահրամանյանը։


Հիշեցնենք` ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում տեսանյութ է հրապարակել՝ անդրադառնալով Նարեկ Կարապետյանի վերջին հայտարարություններից մեկին, ըստ որի՝ պատրաստ են վարչապետ աշխատել 1 դրամով։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7337) Միջազգային (3212) ԱՄՆ (2277) Ռուսաստան (2076) Իրան (1732) Ընտրություններ (1270) Ուկրաինա (817) Երևան (794) Իսրայել (757) Ադրբեջան (612) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (399)

Radio Aurora

Լսել Radio Aurora

Գովազդային տարածք

300x250