Եվրոպան կհանձնվի, իսկ ԱՄՆ-ն կստանա Գրենլանդիան. Դմիտրիև
Ռուսաստանի ուղղակի ներդրումների հիմնադրամի (RDIF) ղեկավար և արտասահմանյան երկրների հետ ներդրումների և տնտեսական համագործակցության հարցերով նախագահի հատուկ ներկայացուցիչ Կիրիլ Դմիտրիևը հայտարարել է, որ Եվրոպան կզիջի, և Միացյալ Նահանգները կստանա Գրենլանդիան։
«Եվրոպան կզիջի, Միացյալ Նահանգները կստանա Գրենլանդիան, և տրանսատլանտյան միասնությունը կարող է որոշ չափով վերականգնվել», - գրել է Դմիտրիևը X սոցիալական ցանցում։
ԱՄՆ նախագահ Դոնալդ Թրամփը հայտարարել էր՝ փետրվարին Դանիայի, Նորվեգիայի, Շվեդիայի, Ֆրանսիայի, Գերմանիայի, Միացյալ Թագավորության, Նիդեռլանդների և Ֆինլանդիայի դեմ 10% մաքսատուրքի ներդրման մասին, որը հետագայում կբարձրանա մինչև 25% և ուժի մեջ կմնա մինչև Միացյալ Նահանգների կողմից Գրենլանդիան գնելու գործարքի կնքումը։
