ԱՄՆ ֆինանսների նախարարը բացահայտել է Թրամփի մտադրությունը
ԱՄՆ ֆինանսների նախարար Սքոթ Բեսենթը հանդես է եկել ի պաշտպանություն եվրոպական ութ երկրների դեմ նախատեսվող մաքսատուրքերի, որոնք կապված են Գրենլանդիան ձեռք բերելու նախագահ Դոնալդ Թրամփի նկրտումների հետ։
NBC News-ին տված հարցազրույցում Բեսենթը պարզաբանել է, որ այս քայլի նպատակը երկրում ապագա հնարավոր արտակարգ դրությունից խուսափելն է։ Հաղորդավարի դիտարկմանը, թե հատկապես որ արտակարգ դրությունն է արդարացնում նման տնտեսական պատժամիջոցները, նախարարը տվել է ուշագրավ պատասխան. «Արտակարգ դրությունը թույլ է տալիս խուսափել արտակարգ դրությունից»։
Բեսենթի խոսքով՝ սա նախագահի աշխարհաքաղաքական և ռազմավարական որոշումն է։ Նա ընդգծել է, որ Թրամփը մտադիր է օգտագործել ԱՄՆ-ի տնտեսական հզորությունը՝ որպես գործիք «թեժ պատերազմից» խուսափելու համար։
