Նեթանյահուն խնդրանքով դիմել է Թրամփին

Իսրայելի վարչապետ Բենիամին Նեթանյահուն խնդրել է ԱՄՆ նախագահ Դոնալդ Թրամփին հետաձգել Իրանի վրա հարձակումը: Այս մասին հայտնել է The New York Times (NYT)-ը՝ հղում անելով աղբյուրին:

«Նեթանյահուն խնդրել է նախագահ Թրամփին հետաձգել Իրանի վրա ամերիկյան ռազմական հարձակման ցանկացած ծրագիր», - ասվում է հոդվածում:

Նշվում է, որ դա տեղի է ունեցել չորեքշաբթի՝ հունվարի 14-ին, հեռախոսազրույցի ժամանակ: Նույն օրը ավելի ուշ Սպիտակ տան ղեկավարը հայտարարել է, որ «մյուս կողմից շատ կարևոր աղբյուրներից» տեղեկատվություն է ստացել, որ Իրանը այլևս մահապատժի չի ենթարկում ցուցարարներին, և որ հակազդեցությունները դադարեցվել են: Թերթի տվյալներով՝ սա ապացույց է այն բանի, որ Թրամփը հրաժարվել է Իրանի վրա ռազմական հարձակման գաղափարից: