Լոռիում 5 ամսական երեխայի դի է հայտնաբերվել

Հունվարի 5-ին Լոռու մարզի բնակավայրերից մեկի տանը 5 ամսական տղա երեխայի դի է հայտնաբերվել, գրել է Shamshyan.com-ը։

Կայքի տեղեկություններով՝ այդ մասին ՀՀ Ներքին գործերի նախարարության ոստիկանության Լոռու մարզի օպերատիվ կառավարման կենտրոն ահազանգել են ժամը 12։00-ի սահմաններում՝ «Ալավերդի» բժշկական կենտրոնից։

Հարազատներն իրավապահներին հայտնել են, որ երեխան հանկարծամահության հետևանքով է մահացել։ Նշվում է, որ դեպքի փաստով քննչական բաժնում սպանություն /հանկարծամահություն/ հատկանիշներով նախաձեռնվել է քրեական վարույթ։ Կայքը հավելել է, որ դատաբժշկի նախնական եզրակացությանմբ՝ արտաքին զննությամբ դիակի վրա բռնության հետքեր չեն հայտնաբերվել։