«Մենք հասկանում ենք, թե որտեղից է սա գալիս». Զելենսկին` ընտրությունների մասին

Ուկրաինայի խաղաղության համաձայնագրի կետերից մեկը հրադադարից հետո հնարավորինս շուտ ընտրություններ անցկացնելն է, ինչի վրա պնդում են Կիևի գործընկերները։ Այս մասին հայտարարել է նախագահ Վլադիմիր Զելենսկին, ինչպես մեջբերում է RBC-Ukraine-ն։

«18-րդ կետ. Ուկրաինան պետք է հնարավորինս շուտ ընտրություններ անցկացնի համաձայնագրի ստորագրումից հետո։ Որքան հնարավոր է շուտ։ Սա գործընկերների տեսլականն է։ Դե, մենք հասկանում ենք, թե որտեղից է սա գալիս», - հայտարարել է Զելենսկին։

Նա կրկնել է, որ Ուկրաինան կարող է ընտրություններ անցկացնել, բայց գործընթացի անվտանգությունը պետք է երաշխավորված լինի։

Հիշեցնենք` դեկտեմբերի 14-ին Ուկրաինայի նախագահ Վլադիմիր Զելենսկին հայտարարել է երկրում ընտրություններ անցկացնելու իր պատրաստակամության մասին, բայց այն պայմանով, որ ապահովվի քվեարկության անվտանգությունը։