Թրամփը ցանկանում է Մեծ Բրիտանիան դարձնել ԱՄՆ միջուկային հարթակ. Daily Mail
ԱՄՆ նախագահ Դոնալդ Թրամփը դիտարկում է Մեծ Բրիտանիայի տարածքում ամերիկյան միջուկային զենքի տեղակայման ծրագիր: Այս մասին հայտնում է բրիտանական Daily Mail-ը՝ հղում անելով սեփական աղբյուրներին։
Ըստ հրապարակման՝ քննարկվում է միջուկային զինանոցը տեղակայել Թագավորական ռազմաօդային ուժերի (RAF) բազաներից մեկում։ Ծրագիրը նախատեսում է պաշտպանված ենթակառուցվածքի ստեղծում, ինչպես նաև ԱՄՆ ավելի քան 200 զինծառայողների տեղափոխում Մեծ Բրիտանիա։
Նախնական հաշվարկներով նախաձեռնության արժեքը գնահատվում է մոտ 264 միլիոն դոլար։ Պենտագոնի ներքին փաստաթղթերում նշվում է, որ նախագիծը կարող է իրականացվել միայն մի քանի տարվա ընթացքում՝ հաշվի առնելով տեխնիկական և անվտանգության պահանջները։
