Իրանը չի պատրաստվում խզել հարաբերությունները Ռուսաստանի հետ․ ԱԳՆ
Իրանը չի պատրաստվում Արևմուտքի պահանջով խզել իր հարաբերությունները Ռուսաստանի հետ: Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։
Նրա խոսքով՝ անհիմն և անտրամաբանական է ակնկալել, որ այն երկրները, որոնք ունեն բարեկամական և գործընկերային հարաբերություններ Ռուսաստանի հետ, պետք է հրաժարվեն այդ կապերից միայն եվրոպական երկրների պահանջների պատճառով։
«Անտրամաբանական է սպասել, որ յուրաքանչյուր պետություն, որը հարաբերություններ է հաստատել Ռուսաստանի հետ, պետք է խզի դրանք Եվրոպայի պահանջով»,- ընդգծել է Բաղային։
Իրանի ԱԳՆ ներկայացուցիչը նշել է նաև, որ եվրոպական երկրները նախ պետք է վերանայեն սեփական վարքագիծը և վերլուծեն Ուկրաինայում հակամարտության առաջացման պատճառները։
Նրա գնահատմամբ՝ մյուսներին քննադատելուց առաջ անհրաժեշտ է պատասխանատվություն կրել սեփական գործողությունների համար։
