Ռուսաստանի հետ սահմանի մոտ ՆԱՏՕ-ի զորավարժություններ են մեկնարկել. մասնակցում են ավելի քան 3000 զինծառայողներ

Ռուսաստանի հետ սահմանի մոտ ՆԱՏՕ-ի զորավարժություններ են մեկնարկել։ Northern Axe 25 զորավարժությունները կանցկացվեն Կարելիայի Հանրապետությանը սահմանակից Կայնուու շրջանում նոյեմբերի 29-ից դեկտեմբերի 5-ը, հայտնել են Ֆինլանդիայի պաշտպանության նախարարությունից:

Դրանց մասնակցում են Ֆինլանդիայի և Մեծ Բրիտանիայի ավելի քան 3000 զինծառայողներ։ Նպատակը Հյուսիսային Ֆինլանդիայի դժվարին պայմաններում հակառակորդին զսպելու, հարձակողական և գիշերային մարտ վարելու հմտությունների կատարելագործումն է: