Կիևն ու Վաշինգտոնը պատրաստում են պատերազմի դադարեցման ծրագիր. Զելենսկի

Ուկրաինայի նախագահ Վլադիմիր Զելենսկին հայտնել է, որ խաղաղությունը երկրին անհրաժեշտ է: Այս մասին հայտնում են ուկրաինական լրատվամիջոցները:

Նրա խոսքով՝ Կիևում ԱՄՆ բանակի նախարար Դեն Դրիսկոլի հետ հանդիպման ընթացքում քննարկվել են իրական խաղաղության հասնելու տարբերակները, ինչպես նաև երկխոսության աշխատանքի փուլերն ու ձևաչափերը։

Զելենսկին նշել է, որ ուկրաինական և ամերիկյան թիմերը զբաղվելու են պատերազմի դադարեցման ծրագրով։

«Մենք պատրաստ ենք կառուցողական, ազնիվ և արագ աշխատանքի։ Խաղաղություն է անհրաժեշտ, և մենք գնահատում ենք նախագահ Թրամփի և նրա թիմի ջանքերը՝ Եվրոպայում անվտանգությունը վերականգնելու համար»,- նշել է Ուկրաինայի նախագահը։